अभिलेख व्यवस्थापन उपेक्षित हुँदै गएकोप्रति सप्तरी प्रजिअ गौतमको चिन्ता

पब्लिक प्रेस संवाददाता
सप्तरी जिल्लाका प्रमुख जिल्ला अधिकारी जनार्दन गौतमले कार्यालयहरुमा अभिलेख व्यवस्थित नहुनाले सेवाग्राहीको भरपर्दो र गुणस्तरीय सेवामा समस्या पर्ने गरेकोप्रति चिन्ता व्यक्त गरेका छन् ।उनले शनिबार बेलुका आफ्नो आधिकारिक फेसबूक पोस्ट मार्फत यस्तो चिन्ता व्यक्त गरेका हुन् ।
गौतमले सुरक्षित, भरपर्दो र व्यवस्थित अभिलेख राख्नु सरकारी कार्यालयहरूको महत्त्वपूर्ण कर्तव्य हुने धारणा राखेका छ्न।अभिलेख व्यवस्थापन प्रायः उपेक्षित क्षेत्र बन्दै गएकोमा उनले चिन्ता व्यक्त गरेका हुन् । कार्यालयमा नष्ट नभई राख्नुपर्ने अभिलेख व्यवस्थित नहुँदा अधिकांश सेवाग्राहीलाई गुणस्तरीय र भरपर्दो सेवा पाउन समस्या भइरहेको उनको भनाइ छ । यस विषयमा कर्मचारी गम्भीर र जिम्मेवार हुनुपर्नेमा उनले जोड दिए।त्यसरी अ अभिलेख राख्ने जिम्मेवार कर्मचारीले उपेक्षा गरे कानुन बमोजिमको कारबाहीको भागिदार हुने बताए ।