सिरहा । जनमत पार्टीका केन्द्रीय सदस्य निर्मल मण्डलले आसन्न प्रतिनिधिसभा र प्रदेशसभा निर्वाचनमा हर्न छापमा मतदान गरेर जनमत पार्टीका उम्मेदवारलाई जिताउन आह्वान गरेका छन् ।
उनले शनिबार साँझ धनतेरसको शुभकामना व्यक्त गर्दै यसपालिको चुनावमा हर्न छापमा मतदान गर्न अपिल गरेका छन् । जनमत पार्टीलाई जनताले जति ढिलो चिने मधेश उति पछि पर्ने भन्दै अब जनतालाई विवेक पुर्याउन ढिला गर्न नहुने उनको भनाइ छ ।
जनमत पार्टीका उम्मेदवारले अहिले गर्ने एकएक बाचा चुनाव जितेर पूरा गर्ने उनको प्रतिवद्धता छ ।
