चुनावी तालमेल र सहकार्य राष्ट्रिय आवश्यकता:अर्थमन्त्री साह
पब्लिक प्रेस संवाददाता
राजविराज
सप्तरी निर्वाचन क्षेत्र नम्बर २(क)मा प्रदेशसभा सदस्य पदका लागी उम्मेदवारी दिएका जनता समाजवादी पार्टीका राजनीतिक समिति सदस्य तथा मधेस प्रदेश सरकारका अर्थमन्त्री शैलेन्द्र प्रसाद साहले एमाले-जसपाबीचको चुनावी तालमेल र सहकार्य राष्ट्रिय आवश्यकता भएको बताएका छ्न।
सप्तरीको महादेबा गाउँपालिमा आइतबार गाउँपालिका स्तरीय एमाले-जसपाको संयुक्त निर्वाचन परिचालन कमिटी घोषणा कार्यक्रममा बोल्दै उनले यस्तो बताएका हुन।
कार्यक्रमका प्रमुख अतिथिका रुपमा सम्बोधन गर्दै उनले उत्पीडित,उपेक्षित र बहिष्कृतमा पारिएका वर्गको हक अधिकारका निमित्त क्रियाशील जसपाले एमालेसँग चुनावी तालमेल र सहकार्य गर्ने निर्णय राष्ट्रिय आवश्यकता भएको जिकिर गरे ।सम्बोधनका क्रममा उनले मलेठ घटनालाई चुनावको बेला चर्चामा ल्याउनेहरु मधेसमा भ्रम फैलाउने कोसिस गरिरहेको आरोप लगाएका छन।
मलेठ घटनाको जिम्मेवारी तत्कालीन सरकारले लिनुपर्ने जसपा अध्यक्ष उपेन्द्र यादवको स्टेटमेन्टको स्मरण गर्दै उनले उक्त घटनाको प्रमुख दोषी प्रचण्ड नेतृत्व सरकारका गृहमन्त्री बिमलेन्द्र रहेको आरोप लगाएका हुन ।
‘जसपा र एमालेको विचार,धारणा आआफ्नो भएकाले बिरोध गरिरहेको स्वभाविक हो।गोली चलाउने आदेश त्यसबेला जसपा अथवा एमालेको हातमा थिएन।आन्दोलनकारी उपर गोली चलाउने आदेस दिने सरकारका गृहमन्त्रीकै अधिकार हो।गोली चलाउने आदेश दिने अधिकार अरु कसैको हुन सक्दैन ।त्यो गृहमन्त्रीकै हुन्छ ।सत्ता गठबन्धन घटक लोसपाले चुनावको बेला मलेठ घटना चर्चामा ल्याउनु जनतालाई भ्रममा पार्ने बाहेक केही होइन ।लोसपा १३ दिने ओली क्याबिनेटको मन्त्रीमण्डलमा सहभागी भएकै हुन।जसपा आफ्नो विचार र एजेन्डामा प्रष्ट छ,अगामी दिनमा समेत प्रष्ट रहनेछ।जसपा र एमालेबीचको तालमेल र सहकार्य राष्ट्रिय आवश्यकता हो।’उनले बताए ।
