श्रीमतीले बुहारीको सहयोगमा श्रीमानलाई करेन्ट लगाई हत्या
सप्तरी ।
सप्तरीको कन्चनरुप नगरपालिका ३ नम्बर वडा स्थित दास टोलका ३७ वर्षीय शिव शंकर दास करेन्ट लागी मृत्यु नभई उनका श्रीमती र बुहारीले प्रायोजित तरिकाले करेन्ट लगाई मारेको रहस्य खुलेको छ।
ईलाका प्रहरी कार्यालय कंचनपुरले बुधबार गरेको पत्रकार सम्मेलन मार्फत उक्त रहस्य खुलेको हो। गत कार्तिक ६ गतेका दिन बिहान ६ बजेको समयमा मृतकको ३० वर्षीया श्रीमती कोशिला देवी दासले आफ्नी दुई बुहारी हिरण देवी दास र शान्ति देवी दासको सहयोगमा उनलाई करेन्ट लगाई मारेको रहस्य खुलेको हो।
घटनाको दुई महिना अगाडी मृतक दासको नाममा दुई वटा बिमा कम्पनीमा २०/२० लाखको बिमा गराउन लाग्ने रकम बुहारी शान्तिले बुझाउने शर्तमा बिमा एजेन्टलाई बोलाई सहयोग गरेकी थिइन ।
पछि शान्तिले सो रकम र साँवा ब्याज सहित दिन बारम्बार मृतक दास र निजको श्रीमतीलाई ताकेताको नाममा गालीगलोज गर्ने गर्थिन।
सो रकम पाउनको लागी श्रीमानलाई मारी उक्त ईन्स्योरेन्सको बिमाबाट दोब्बर पैसा आउँछ अनि सबै ऋण चुक्ता हुन्छ भनि फकाउँदै शान्ति देवीले शिव शंकर दासलाई मार्नु भनी कोसिला देवी दासलाई सबै पूर्व योजना बताउछिन ।
पुर्व योजना अनुसार गत कार्तिक ५ गते बिहान् शान्ति देवीले मृतक दासलाई आफ्नो घरमा बोलाई अत्यधिक रक्सी खुबाएर आफ्नो घर(मृतकको घर)पठाइन्छ । मृतक मातेर धरखरिदै आफ्नो घरको भान्सा कोठामा रहेको खाटमा गई सुत्छन् ।त्यहीँ बेला श्रीमती कोशिलाले उनको बायाँ हातको साहली औंलामा बिजुलीको तार बेरी लाइन दिन्छ ।सो योजना सफल बनाउन अर्की बुहारी हिरण देवी दासले टर्च बालेर सहयोग गरेको प्रहरीले बताए।
