राजविराज र बिरगंजबाट दबाव स्वरूप यात्रा मुक्त हरवा चरवाहरुको पुनरस्थापनाको लागि
पब्लिक प्रेस
मुक्त हरवा चरवाहरुको पुनरस्थापनाको लागि दबाव स्वरुप चैत २५ गते देखि बिरगंज र राजबिराज बाट शुरु हुने अधिकार यात्रालाई सफल बनाउन हरवा चरवा अधिकार मंच ले आफ्नो गतिविधि तिब्र बनाएको छ ।
जनसहभागिता जुटाइ यात्रालाई प्रभावकारी बनाउने उदेश्यले हरवा चरवा युवा एकटिभिसटहरुलाइ परामर्श एवं अभिमुखिकरन कार्यक्रम महोत्तरीको बर्दिबासमा सम्पन्न भएको छ ।
रास्ट्रिय दलित नेटवोर्कको आयोजना , हारवा चरवा अधिकार मंचको संयोजन र फ्रिडम फन्डको सहयोगमा मंचका महासचीव लागेन्द्र सदाको अध्यक्षतामा आयोजित प्रामर्श एवं अभिमुखिकरन कार्यकमा अगामी हुने अधिकार यात्राको बिस्तृत कार्ययोजनाको बारेमा छ्लफल भएको जन वकालत अधिकृत रुपनरायन पासवानले बताए ।
कार्यक्रममा रास्ट्रिय दलित नेटवोर्कका कोषाअध्यक्ष जंगबहादुर सुनारले यात्रा अवधीमा हुने शुभारम्भ र कोणसभाहरुमा स्थानिय तहका जनप्रतिनिधिहरु संग अत्याधिक समन्वय र सहकार्य गर्न निर्देश गर्नु भयो ।
अभिमुखिकरनमा रास्ट्रिय दलित नेटवोर्कका कार्यकारी निर्देशक हुकुम सार्की , फाइनास अफिसर भरत आग्रि , रास्ट्रिय हरवा चरवा अधिकार मंचका सह सचीव रामदयाल सदा लगाएतले मन्तव्य ब्यक्त गर्नु भएको थियो ।
