राजविराजमा छाडा चौपाया छ्यापछ्याप्ती
नविन यादव नर्भय / पब्लिक प्रेस
राजविराज । राजविराज शहरको मुल सडक र चौकमै छाडा चौपाया छ्यापछ्याप्ती देखिन थालेका छ्न।छाडा चौपाया नियन्त्रणका लागी समाजिक संघसंस्थाले बिगतमा तत्परता देखाए तापनि असफल हुँदै आएका छन भने नगरपालिकाको मौनता हदैसम्म देखिएको छ।
राजविराजको मुटुमा रहेको गजेन्द्र चौक,दशन चौक,अदालत रोड,सिरहा रोड र कुनौली मोड तथा अस्पताल क्षेत्रमा छ्यापछ्याप्ती छाडा चौपाया देखिन थालेको हो।
पशु धनीले गैरजिम्मेवार भएर पशुचौपाया छाडा छोडेपछि राजविराज हटिया,मुल सडक र सहायक सडक छेउका व्यापारीहरु आजित हुँदै गएका छ्न।पसलमा आउने ग्राहक समेत चौपायाबाट प्रभावित हुने गरेको स्थानीय व्यापारीहरु जनाएको छ।
स्थानीय स्वायत्त शासन ऐन २०५५ को नियम(९६)मा ‘छाडा चौपाया नियन्त्रणमा लिई लिलाम गर्ने’व्यवस्था छ।तर राजविराजमा पशु चौपाया अझै नियन्त्रण हुन सकेको छैन ।स्थानीयवासीहरुले पालेको गाईलाई सडकमा छोड्दै आएका हुन।विहानको समयमा गाईबाट दुध पाएपछि बजारमा छाडा छोड्ने गरेको पाइएको छ।यसले शहरको मुख चौकमै सवारी आवतजावत र हिडडुल गर्नेहरुलाई असर परिरहेको व्यापारीहरुले दुख पोखेका छ्न।
राजविराज नगरपालिकाका मेयर भिमराज यादव भ्रष्टाचार अभियोगमा निलम्बित भएपछि नगरको बिकास निर्माण ,सेवाप्रवाह तथा निति निर्माणमा गम्भीर असर परिरहेको स्थानीयहरुले बताएका छ्न।उनी निलम्बित भएपछि नगर उपप्रमुख इसरत परविन कार्यवाहक प्रमुखको रुपमा कार्यसम्पादन गरिरहेकी छिन ।
