शंकास्पद:५० वर्षीय पुरुषको शव झुन्डिएको अवस्थामा फेला
पब्लिक प्रेस संवाददाता
राजविराज ।सप्तरीमा एकजना पुरुषको शव झुन्डिएको अवस्थामा फेला परेको छ।राजविराज नगरपालिका ७ बस्ने ५० वर्षीय किशोर गुप्ताको शव आफ्नै सुत्ने कोठामा फेला परेको जिल्ला प्रहरी कार्यालय सप्तरीले जनाएको छ।
गएराति गुप्ताको शव बासको डलोमा साडीको पास लगाई झुन्डिएको अवस्थामा फेला परेको प्रहरीले बताए ।घटनाबारे स्थानीयले नजिकै रहेको वडा प्रहरी कार्यालयलाई जानकारी गराउन साथ घटनास्थलमा प्रहरी पुगेका थिए ।
स्थानीय प्रत्यक्षदर्शीले शव शंकास्पद रहेको बताएका छ।उनीहरुले घटना रहस्यमय रहेकाले सुक्ष्म अनुसन्धान हुनुपर्ने बताएका छ्न।
जिल्ला प्रहरी कार्यालय सप्तरीबाट प्रहरी निरीक्षकको कमान्ड गएको टोलीले मुचुल्का उठाई शवलाई पोस्टमार्टमका लागी गजेन्द्रनारायण सिंह अस्पताल राजविराजमा राखिएको छ।घटना सम्बन्धमा थप अनुसन्धान भईरहेको प्रहरीले जनाएको छ।
