प्रदेश सभा सदस्य यादवद्वारा बिधालय भवनको शिलान्यास

प्रदेश सभा सदस्य यादवद्वारा बिधालय भवनको शिलान्यास

उमेश कुमार साह

सप्तरी जिल्लाको बोदे बर्साईन नगरपालिका वडा नम्बर ५ भाटिनमा रहेको श्री जनता राष्ट्रिय आधारभूत बिधालयको चार कोठे भवनको शिलान्यास गरिएको छ । सो नगरपालिकाको वडा नं। ५ भाटिनमा रहेको श्री जनता राष्ट्रिय आधारभुत बिध्यालयमा चार कोठे भवन निर्माणको लागी शिलान्यास गरिएको हो।
प्रमुख अतिथी मधेस प्रदेशका प्रदेश सभा सदस्य अनिरुद्व कुमार सिंह यादवले आइतबार एक कार्यक्रमका बिच शिलान्यास गर्नु भएको हो ।

राष्ट्रपति शैक्षिक सुधार कार्यक्रम अन्तर्गत सो बिधालयमा ४ कोठे भवन निर्माण हुन लागेको सो बिधालयका प्रधानाध्यापक जमिरा खातुनले जानकारी गराउनु भयो ।
भवन निर्माणको लागि लगभग ४५ लाख ५० हजार बजेट रहेको प्रमुख अतिथि यादवले बताए । शिलान्यास पछि छिट्टै भवन निर्माणको काम अगाडी बढाइने प्रधानाध्यापक खातुनले बताए । प्रदेश सभा सदस्य यादवले निर्वाचित भए देखिनै आफनो क्षेत्र भरि रहेको विद्यालयहरु पठन पाठनको ब्यवस्थापन गर्दै आईरहेको छ ।

शिलान्यास कार्यक्रममा ब्यवस्थापन समितिका अध्यक्ष , विशिष्ट अतिथी वडा नं। ५ का वडा अध्यक्ष मो.मजिबुर रहमान , ६ का अध्यक्ष राजकुमार यादव नगरपालिकाका ईन्जिनियर दिनेश ठाकुर , सब इन्जिनियर सत्य नारायण यादव, स्थानीय नेता मोहम्मद गफुर लगायत स्थानीय भद्रभलादमी,बुद्धिजीवीहरूको उपस्थिति रहेको थियो